Apatty jaǵdaıda ushqan «Daallo Airlines» ushaǵy bortyndaǵy tesikti jolaýshy beınekameraǵa túsirip alǵan
ASTANA. QazAqparat - Apatty jaǵdaıda qonǵan «Daallo Airlines» áýe kompanııasy ushaǵynyń jolaýshysy bortta bolǵan jarylystan keıin ushaq ishindegi ahýaldy vıdeoǵa túsirip alǵan, dep jazady «RIA Novostı».
Beıne materıaldan ushaq fıýzelıajy tesilip, jolaýshylardyń ottegi berý quralyn paıdalanǵanyn kórýge bolady.
Eske sala keteıik, keshe seısenbi kúni «Daallo Airlines» áýe kompanııasynyń «Airbus A321» ushaǵy bortynda jarylys bolyp, órt tutanýyna baılanysty Somalı astanasy Mogadıshoǵa apatty jaǵdaıda qondy. Jarylys ushaq ushyp shyqqanda bolǵan. Oqıǵa sebebi anyqtalyp jatyr. Ushaqta 60 adam bolǵan. Ol Djıbýtı qalasyna baǵyt alǵan.
russian.rt.com saıtynyń jazýynsha, ushaq Somalı astanasy Mogadıshodan Djıbýtıǵa ushyp shyqqan. Bortynyń tesilýine qaramastan ushaq ekıpajy ony qaıtadan áýejaıǵa qondyra bildi. Aviation Safety Network málimetine súıensek, ushaq 19 jyl qoldanysta bolǵan.
«Izvestııa» basylymynyń jazýynsha, A321 ushaǵyndaǵy jarylys kezinde bir jolaýshy salonnan ushyp ketken. Sonymen qatar, úsh adam zardap shekken.
