Apatty jaǵdaıdaǵy úılerdiń kóbi qaı óńirde
ASTANA.KAZINFORM — Qazaqstanda apatty jaǵdaıdaǵy úılerdiń sany qansha? Bul suraqqa Ónerkásip jáne qurylys mınıstrligi jaýap berdi.
— Búginde jergilikti atqarýshy organdardyń aqparaty boıynsha elimizde 61 367 kóppáterli turǵyn úı (budan ári- KPTÚ) bar. Onyń ishinde 1 037 apatty jáne 3 369 tozyǵy jetken úı tirkelgen. 14 673 kóppáterli turǵyn úı kúrdeli jóndeýdi qajet etedi, — delingen mınıstrliktiń Kazinform agenttigine bergen jaýabynda.
Bul turǵyda apatatty úılerdiń kóbi Astanada (158) jáne Atyraý (201) men Batys Qazaqstan (73) oblystarynda tirkelgen.
Aıta keteıik, Qazaqstanda jalǵyz baspanasy apatty dep tanylǵan azamattarǵa turǵyn úı bólýge qatysty ózgeris engizildi. Endi jergilikti bıýdjet esebinen salynǵan nemese satyp alynǵan baspanany olarǵa bólý máselesin ákimdikter qaraıdy.
Buǵan deıin jalǵyz baspanasy apatty dep tanylǵan azamattardy baspanamen qamtý isi «Otbasy banki» arqyly júrgiziletin.
Eske salaıyq, buǵan deıin apatty turǵyn úılerdi renovatsııalaýǵa jańa kepildik tetigi engizilgeni habarlandy.
