Apatqa ushyraǵan jolaýshyny, oǵan kómektespek bolǵan júrgizýshini mınıven qaǵyp óltirdi
BІShKEK. QazAqparat - Búgin tańerteń Bishkek-Torýgart tas jolynda jol apaty bolyp, eki er adam qaza tapty, dep habarlaıdy Kabar agenttigi Naryn oblysynyń ІІB Jol qozǵalysy qaýipsizdigin qamtamasyz etý bólimine silteme jasap.
Vedomstvoda málim etkendeı, «Aýdı» markaly avtokóligi kombaınǵa kelip soǵylǵan. Muny kórgen, jolaı ótip bara jatqan «Folksvagen passat» júrgizýshisi toqtap, zardap shekken adamǵa kómektesýge umtylǵan. Álgi azamat jolaýshyny kólikten shyǵaryp jatqan kezde olardy úlken jyldamdyqta kele jatqan mınıven kelip qaqqan. Saldarynan er adamnyń ekeýi de oqıǵa ornynda qaza tapty.
Sondaı-aq, jol apatynan taǵy da eki adam zardap shekkeni anyqtaldy. Olar Kochkor aýrýhanasyna jetkizilgen.
