Apatqa ushyraǵan tikushaq 2021 jyly jasap shyǵarylǵan

ASTANA. QazAqparat - Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngide Batys Qazaqstan oblysynda apatqa ushyraǵan tikushaq týraly málimet berdi., dep habarlaıdy QazAqparat tilshisi.

«2021 jyly jasap shyǵarylǵan Mı-8 tikushaǵynyń áýede ushýy 250 saǵatty quraıdy, 2023 jyldyń 17 qańtarynda Atyraý qalasynda merzimdi tehnıkalyq qyzmet kórsetýden ótken bolatyn. 2030 jyly áýe kemesi alǵashqy kúrdeli jóndeýden ótýi tıis bolatyn. Tikushaq paıdalanylǵan sátten bastap ushýǵa jaramdylyǵyna áser etetin aqaýlar men eskertýler bolǵan joq», - dedi Rýslan Imanqulov.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.

Foto: t.me/qr_tjm