Apatqa ushyraǵan «Sevol» kemesiniń ıesiniń qyzy tutqynǵa alyndy
ASTANA. QazAqparat - Apatqa ushyraǵan «Sevol» kemesiniń ıesiniń úlken qyzy Frantsııa elinde tutqyndaldy. Bul týraly Koreıa Respýblıkasyndaǵy ádilet mınıstrliginen habarlady, dep jazady ITAR-TASS.
« ıÝ Ben Onnyń qyzy - 48 jastaǵy ıÝ Som Nany frantsýz bıligi basqanyń múlkin ıemdendi degen kúdikpen tutqynǵa alyp otyr. Bul Koreıa Respýblıkasynyń prokýratýrasy Interpolǵa onyń qaı jerde ekenin anyqtap berý jóninde ótinish jasaǵannan keıin múmkin boldy», - dep habarlaıdy mınıstrlik qyzmetkeri.
Aıta keteıik, «Sevol» kemesi tıesili bolǵan «Chhonhechjın heýn» kompanııasynyń basshysy ıÝ Ben On qyzmettik babyn teris paıdalandy jáne salyq tóleýden jaltardy dep aıyptalyp otyr. Oǵan qazir izdeý jarııalanǵan. Tergeý málimetteri boıynsha ol Seýldegi dinı sektalardyń birinde jasyrynyp júrgen bolýy múmkin. Ońtústik Koreıa prokýratýrasy ıÝ Ben Onmen birge onyń shetelde júrgen ekinshi uly ıÝ Hıýk Gıdi tutqynǵa alý orderine qol jetkizýge tyrysýda. Jaqyn arada Frantsııa úkimeti olardy eline qaıtarady dep kútilip otyr. Esterińizge sala keteıik, sáýir aıynyń ortasynda bortynda 476 jolaýshysy bar «Sevol» paromy Ońtústik Koreıa jaǵalaýynda aýdarylyp, batyp ketti. Onyń ishinen tek 174 jolaýshy ǵana aman qaldy.
