Apatqa ushyraǵan «Progress» HǴS-taǵy ekıpajǵa tirshilikke qajetti zattardy jetkizýi tıis bolǵan

ASTANA. QazAqparat - Beısenbi kúni «Soıýz-Ý» zymyran-tasyǵyshy Halyqaralyq ǵarysh stansysyna «Progress-MS-04» júk kemesin jetkize almady.

Kemeniń qozǵalysy 382-inshi sekýndta toqtap, birshama ýaqyttan keıin aýada janyp úlgermegen synyqtar Týva Respýblıkasynyń aýmaǵyna qulady. «Roskosmos» pen  NASA ǵarysh kemesiniń qulaýy ekıpajǵa keri áserin tıgizbeıtindigine sendirýde, dep habarlaıdy QazAqparat.

Apat sebebin arnaıy komıssııa anyqtaıtyn bolady. "Ъ" deregi boıynsha, apat  RD-0110 úshinshi satydaǵy qozǵaltqyshtyń janý kamerasynyń ýaqytynan buryn ashylýynan  bolýy múmkin.

«Progress» Halyqaralyq ǵarysh stansysyna janarmaı, sý jáne tyǵyzdalǵan gaz, azyq-túlik salynǵan konteınerler, kıimder, sondaı-aq jańajyldyq dastarhanǵa arnalǵan birneshe keli jemis-jıdek jetkizýi tıis bolǵan. Júk kemesiniń apatqa ushyraýy Halyqaralyq ǵarysh stansysynyń qalypty jumysyna jáne ekıpajdyń tirshiligine keri áserin tıgizbeıdi», - dep sendirýde memlekettik korporatsııa NASA-nyń rastaýymen.

«Roskosmos» bas dırektorynyń orynbasary Aleksandr Ivanov bastaǵan memlekettik komıssııa oqıǵanyń sebebin anyqtaýda.