Apatqa ushyraǵan mysyrlyq A320 ushaǵy 18 mln. dollarǵa saqtandyrylǵan
ASTANA. QazAqparat - Jerorta teńizinde apatqa ushyraǵan EgyptAir kompanııasynyń A320 ushaǵy 18 mln. dollarǵa deıingi somaǵa saqtandyrylǵan. «Ál-Fagr» jańalyqtar portalynyń habarlaýynsha, bul týraly Misr Insurance saqtandyrý kompanııasynyń basqarma tóraǵasy Ádel Musa málimdedi.
Onyń aıtýynsha, saqtandyrý qunynyń sońǵy baǵasy qaıǵyly oqıǵanyń naqty sebebi jarııalanǵan soń beriledi. Jolaýshylarǵa keletin bolsaq, Á.Musanyń aıtýynsha, tólemder olardyń azamattyǵyna baılanysty óteledi, sebebi saqtandyrýdyń osy túri úshin biryńǵaı standart belgilenbegen, dep jazady TASS.
Mysyrdyń Azamattyq avıatsııa mınıstrligi EgyptAir avıakompanııasynyń A320 laıneri apatqa ushyraǵanyn rastady. Ushaq Parıjden Kaırge bet alǵan, Mysyr jaǵalaýynan shamamen 280 shaqyrym jerde radardan joǵalyp ketti.
Ushaqta 12 memlekettiń azamaty bolǵan. Jolaýshylardyń jalpy sany - 56.
