Apatqa ushyraǵan MıG-29 ushqyshy ushaqty qutqarmaq bolyp qaza tapty
ASTANA. QazAqparat - Astrahan túbinde apatqa ushyraǵan MıG-29 ushaǵynyń ushqyshy áýe kemesin qutqarmaq bolyp, qaza tapty, dep habarlady sheteldik BAQ.
« Ushýlar qolbasshylyǵy ushqyshqa ushaqty tastap shyǵýǵa buıryq bergen edi. Alaıda, ol áýe kemesin qutqarýǵa áreket jasap, mert boldy », - dep habarlady RF Qorǵanys mınıstrliginiń resmı ókili, general-maıor Igor Konashenkov.
Joıǵysh ushaq úılerden qashyq aımaqqa qulap, jergilikti turǵyndar zardap shekken joq. Ushaq qulaǵannan keıin shyqqan órtti sóndirýge 30-dan astam órt sóndirýshi men jeti tehnıka jumyldyryldy. Apat ornyna Reseı q or ǵ anys mınıstrliginiń komıssııasy attandy.
Aıta keteıik, ushaq Astrahannan 30 shaqyrym jerde josparly oqý-jattyǵý ushýlaryn oryndaý kezinde apatqa ushyraǵan edi.
