Apatqa ushyraǵan Lexus kóliginiń ıesi:Kóligimdi avtojýý jumyskeri urlap ketken
ALMATY. QazAqparat- Almatyda apatqa ushyrap, qıraǵan Lexus markaly avtokóliginiń ıesi Anel Baımenova ústimizdegi jyly 13 shildede bolǵan oqıǵanyń mán-jaıyn aıtyp berdi.
Aneldiń aıtýynsha, onyń avtokóligin avtojýý mekemesinde beıresmı túrde jumys istep júrgen 17 jastaǵy jigit aıdap áketken. Anel avtokóligin osy avtojýý mekemesine ýaqytsha qaldyryp ketken eken.
Al jas jigit, aıdap áketken avtokólikpen qalany aralamaq bolǵan.
Biraq, rólge ıe bola almaı, úlken jyldamdyqpen kelip, aǵashqa soǵylǵan.
«Ol osy mekemede jaz mezgilinde kólik jýyp aqsha taýyp júrgen. Munda onyń nemere ápkesi aspazshy bolyp jumys isteıdi. Apat bolǵannan keıin, jigittiń týǵan-týystary maǵan habarlasyp, «Ol áli jas, ómirin aıaq-asty etpe», - dep, polıtsııaǵa aryz bermeýimdi, ony keshirýimdi ótindi. Munyń barlyǵy meniń jaǵamdy ustatty. Buǵan deıin bul kólik jýatyn mekemede osyǵan uqsas eki oqıǵa bolǵan. Biraq, bul týraly ashyq aıtylmaǵan. Eger men mundaı soraqylyqty bilgenimde bul avtokólik jýatyn jerge eshqashanda barmas edim.
Bul mekeme eki ret sotta jeńip shyqqan. Men olarǵa sotqa beretindigimdi aıtyp edim, olar maǵan: «Bekerge áýre bolasyz. Sizge deıingi aryzdanǵandardyń kólikteri sizdiń kóligińizden áldeqaıda qymbat bolǵan», - dep maqtandy.
Jigittiń týystary «bir tıyn aqshamyz» joq dep, eshteńe tólgileri kelmeıdi. Ákesi tek qana keshirim surady. Men aýdandyq ishki ister basqarmasyna júgindim. Bul isti qarap jatqan jigit maǵan: «Siz qyz balasyz ǵoı. Ony qalaı 8 jylǵa sottattyryp jiberesiz!? Keıin, qalaı ómir súresiz»?, - dep maǵan qysym jasady. Bul jerde jábirlenýshi men ǵoı. 1,5 jarym aı ótti. Olar maǵan birde-bir aqparat bergen joq. Men tipti sotqa da júgine almaımyn. Aıtatyndary: «Kúte turyńyz, kúte turyńyz, tergep jatyrmyz». Qashan aqparat beretinderi belgisiz», - dedi Anel Baımenova.
Óz kezeginde «Altyn adam» kesheniniń ákimshiligi avtokólikti aıdap ketken jigittiń mashına jýýshy bolyp isteıtindigin joqqa shyǵardy.
«Barlyǵy basqasha bolǵan. 13 shildede osy boıjetken nemese onyń jigiti mashınany kiltimen birge qaldyryp ketken. Biz olarǵa avtokólikti jýyp, avtoturaqqa qoıatynymyzdy, al onda kúzettiń joq ekendigin aıttyq. Olar: «Jaraıdy», - dep ketip qaldy.
Biz kiltti seıfke tyǵyp qoıdyq. Biraq, bizde kózge kórinetin jerge
«Avtokóliktiń kiltin qaldyrýǵa bolmaıdy», - dep jazylyp qoıylǵan.
Al tańǵy saǵat 4.00 shamasynda álgi jigit bizdiń mekemege urlanyp kirip, seıfti buzyp ashyp, kiltti alyp, mashınany urlap áketken.
Al bul boıjetken, keıin bizge kelip daý shyǵardy. Biz ol jigittiń bizde istemeıtinin aıttyq.
Boıjetken bizge narazylyǵy joq ekendigin aıtty. Álgi jigittiń týysy kelip, keltirilgen shyǵyndy tóleıtindigin aıtyp, tilhat jazyp ketti.
Al qazir, nege ekeni belgisiz, boıjetken osy máseleni taǵy da kóterip, biz týraly jazyp jatyr. Biz tipti zańgerden aqyl-keńes suradyq. Olbizdiń buǵan qatysymyz joq, kináli emes ekenimizdi aıtty», - dep aqtaldy «Altyn adam» kesheniniń ákimshiligi.
