Apatqa ushyraǵan aýyr júk kóliginiń júrgizýshisi aman qaldy – Almaty qalalyq PD
ALMATY. QazAqparat –Dýlatı kóshesindegi jol apatyna qatysty qosymsha málimet jarııalady, dep habarlaıdy QazAqparat tilshisi.
Jol apaty Bostandyq aýdanynda kúndizgi 12:00-de bolǵan.
«Shacman aýyr júk kóligin tizgindegen 47 jastaǵy er adam Dýlatı kóshesimen soltústik baǵytqa kele jatyp Naberejnaıa kóshesimen qıylysta Nissan Maxima kóligimen soqtyǵysqan. Soǵylǵan soń da júk kóligi júıtkigen jyldamdyǵyn túsirmegen. Sodan keıin júk kóligi shyǵys jaqtaǵy jol shetine shyǵyp ketken. Sol qarqynmen aıaldamadaǵy jarnama qalqanyn, transformatorlyq qosalqy stansany, jol shetindegi úılerdiń qorshaýyn qıratqan. Qorshaý aýladaǵy Toyota Land Cruiser kóliginiń ústine qulaǵan. Budan soń Nissan Maxima kóligi qarama qarsy betke shyǵyp ketip, Audi kóligine soǵylǵan», - dedi PD baspasóz qyzmetinen.
Jol apatyna baılanysty PD tıisti saraptamalar taǵaıyndady.
Soqqydan júk kóliginiń júrgizýshisi men Nissan Maxima júrgizýshisi jaraqat aldy.
Aıta ketý kerek, búgin Almatyda bolǵan jol apatynyń vıdeosy áleýmettik jelide taraldy.
