Apatqa ushyraǵan AN-28 ushaǵyndaǵy ushqyshtyń biri Oraldan edi
ORAL. QazAqparat - Keshe Almaty oblysynda apatqa ushyraǵan AN-28 ushaǵyndaǵy ekinshi ushqysh Evgenıı Kýtafın Oraldan edi, dep habarlaıdy «QazAqparat» tilshisi.
Oralda týyp-ósken, qyrkúıek aıynda otyzǵa tolǵan Evgenıı jasynan parashıýt sportymen kásibı túrde aınalysty. BQO quramasy sapynda halyqaralyq jarystarda san márte júldeli oryndarǵa qol jetkizdi. Onyń osyndaı tabystary jóninde kezinde «QazAqparat» agenttigi de jazdy.
Onyń bapkeri Raıs Sıýndıýkovtiń aıtýynsha, Evgenıı Kýtafın parashıýt mektebinde osy sport túrimen aınalysyp, sport sheberligine úmitker atandy. Keıin azamattyq avıatsııa akademııasyna túsip, AN-2 ushaǵymen ushty. Sosyn AN-28 ushaǵynda ushqysh bolý úshin qaıta daıarlyqtan ótti. Aldyna úlken maqsat qoıǵan, dostary arasynda bedeldi jan edi.
Aıta keteıik, marqumnyń sońynda ata-anasy, áıeli jáne kishkentaı balasy qaldy.
