Apatqa ushyraǵan An-28 ushaǵynda kimderdiń bolǵany anyqtaldy
ALMATY. QazAqparat - Almaty mańynda qulap, órtengen An-28 ushaǵynda kimder bolǵany anyqtaldy, dep habarlaıdy QazAqparat tilshisi Azamattyq avıatsııa komıtetine silteme jasap.
2017 jyldyń 3 qazanynda 19 saǵat 15 mınýtta Almaty oblysy Іle aýdanynyń Mejdýrechınsk aýyly mańynda sanıtarlyq avıatsııa reısin oryndaǵan An-28 ushaǵy qulap, órtengen.
Bastapqy málimet boıynsha, bortta bolǵan 5 adam qaza tapqan.
Ekıpaj músheleri - Áýe kemesiniń kapıtany Qyrǵyzstan azamaty - G.N.Tsoı, ekinshi ushqysh Qazaqstan azamaty E.Kýtafın bolǵan.
Sonymen qatar, bortta 2 medıtsına qyzmetkeri bolǵany anyqtaldy. Barlyǵy bortta 5 adam bolǵan. Olardyń barlyǵy kóz jumdy.
«AN-28» Polshada 1990 jyly jasalǵan. Tirkeý nómiri UP - A2807, ushý salmaǵy 5 690 keli.
Qazir tótenshe jaǵdaı bolǵan jerdiń koordınatasy anyqtaldy. QR IDM kóliktegi tekserý departamentiniń qyzmetkerleri 1 saǵat kóleminde oqıǵa ornyna shyqty.
Oqıǵa ornynda Almaty oblysynyń Órt sóndirý qyzmetiniń 12 mamany men 3 arnaıy tehnıkasy órtti sóndirýde.
Eske sala ketsek, Almaty-Shymkent baǵytynda sanıtarlyq reıske attanǵan Eastwing áýe kompanııasynyń An-28 ushaǵy búgin Almatydan 28 shaqyrym jerde lokatordan joǵalyp ketken.
