Apatqa ushyraǵan Air Algerie ushaǵynyń «qara jáshigi» Frantsııaǵa jetkizildi
ASTANA. QazAqparat - Malı aýmaǵynda apatqa ushyraǵan Air Algerie áýe kompanııasyna tıesili McDonnell 83 ushaǵynyń «qara jáshigi» saraptama jasaý úshin Frantsııaǵa jetkizildi, dep habarlady sheteldik BAQ.
Aıta keteıik, buǵan deıin Frantsııa syrtqy ister mınıstri Loran Fabıýs Malı bıliginiń ótinishi boıynsha Air Algerie ushaǵynyń apatqa ushyraý sebebin anyqtaýmen frantsýzdyq sarapshylar aınalysatyndyǵyn málimdegen bolatyn.
Esterińizge sala keteıik, 24 shildede Býrkına-Faso astanasy Ýagadýgýden Aljırge baǵyt alǵan McDonnell 83 ushaǵymen baılanys joǵalyp ketken. AH5017 reısin ushaqty ıspandyq Swiftair-den jalǵa alǵan Air Algerie kompanııasy júzege asyrǵan. Laınermen baılanys ol Ýagadýgýden ushyp ketkennen keıin 50 mınýttan soń úzilgen.
Ushaq bortynda 15 elden 116 adam bolǵan, kópshiligi - frantsýzdar.
