Apatqa ushyraǵan A320 ushaǵynyń «qara jáshigindegi» jazbalar sátti alyndy - BAQ
ASTANA. QazAqparat - «Germanwings» áýekompanııasynyń apatqa ushyraǵan ushaǵynyń «qara jáshiginen» pılottar kabınasynda bolǵan sońǵy jazbalar sátti alyndy, dep habarlady Bı-Bı-Sı agenttigi Frantsııanyń «BEA» áýe apattaryn zertteý agenttigine silteme jasaı otyryp.
Dybys jazý quraly qatty zaqymdanǵan, sonda da aqparattardy alý úshin ol Parıj qalasyna jiberilgen bolatyn. Frantsııa Prezıdenti Fransýa Olland ushaq bortynda bolatyn ekinshi «qara jáshik» tabylmaǵanyn málimdegen bolatyn. Eske, sala keteıik, Barselonadan Dıýsseldorf qalasyna baǵyt alǵan Germanwings kompanııasynyń Airbus A320 ushaǵy Frantsııanyń ońtústik-shyǵysynda apatqa ushyrap, 150 adam qaza tapty.
