Apatqa ushyraǵan ushaqtyń qara jáshigi tabyldy — Kólik prokýratýrasy
ASTANA. KAZINFORM — Bul týraly kólik prokýratýrasynyń ókili habarlaǵan.
Aqtaý mańyndaǵy qaıǵyly oqıǵa saldarynan 38 adam qaza tapty, onyń ishinde altaýy — Qazaqstan azamattary. Tiri qalǵandar sany — 29 adam.
Aıta keteıik, tańerteń Aqtaý qalasynyń mańynda Ázerbaıjan astanasy Bakýden Groznyıǵa baǵyt alǵan ushaq apatqa ushyrady. Ushaq bortynda 69 adam bolǵan. Olardyń arasynda qazaqstandyqtar da bar. Qazir adamdardy qutqarý-izdestirý jumystary jalǵasyp jatyr.
Elimizdiń Tótenshe jaǵdaılar mınıstrligi usynǵan sońǵy málimetke sáıkes, apattan aman qalǵan 29 zardap shekken jan aýrýhanaǵa jetkizildi, onyń ishinde 2 bala bar.
Qaıǵyly jaıttan keıin Ázerbaıjanda 26 jeltoqsan Aza tutý kúni bolyp jarııalandy.
Memleket basshysy Qasym-Jomart Toqaev ushaq apatynan zardap shekken azamattarǵa kómek kórsetýdi erekshe baqylaýda ustaýdy tapsyrdy.
Prezıdent tapsyrmasyna sáıkes Úkimet komıssııasy Aqtaýdaǵy ushaq apaty ornynda jumysyn bastady.