Apatqa ushyraǵan AZAL ushaǵy eki aı buryn tehnıkalyq tekserýden ótken
AQTAÝ. KAZINFORM – Aqtaý mańynda apatqa ushyraǵan ushaq bıylǵy qazan aıynda tolyq tehnıkalyq tekserýden ótken. Bul týraly AZAL kompanııasy AzerTADJ agenttiginiń saýalyna jaýap bergen.
AZAL áýe kompanııasyna tıesili «Embraer 190» áýe kemesi 2013 jyly shyǵarylǵan jáne 4K-AZ65 nómirimen tirkelgen.
Habarlamada bylaı delingen: «Óndirýshiniń serııalyq nómiri: 19000630. Ushaqtyń jalpy ushý ýaqyty – 15 257,22 saǵat jáne 9 949 ret jerge qonǵan. Áýe kemesiniń sońǵy tolyq tehnıkalyq tekserisi 2024 jyldyń 18 qazanynda júrgizildi. Sońǵy tekseristen beri 671 ushý saǵatyn ótkizgen.
Al áýe kemesiniń kapıtany Igor Kshnıakın – mol tájirıbeli maman, ol 15 myń saǵattan astam ýaqyt áýede ushqan jáne 11 200 saǵatynda kapıtan laýazymynda bolǵan.
Buǵan deıin habarlanǵandaı, Qanat Bozymbaev AZAL ushaǵyndaǵy shuryq-tesikter týraly suraqqa jaýap berdi.