Apatqa ushyraǵan Air India ushaǵynyń bortynda qaı eldiń azamattary bolǵan
ASTANA.KAZINFORM — Air India ushaǵy Ahmedabad áýejaıynan ushyp shyqqannan keıin kóp uzamaı apatqa ushyrady. Bortta 242 jolaýshy men ekıpaj músheleri bolǵan, dep habarlaıdy Kazinform tilishisi.
— Ahmadabadtan 13:38–de kóterilgen Boeing 787-8 ushaǵynyń bortynda 242 jolaýshy men ekıpaj músheleri bolǵan. Olardyń 169-y Úndistan azamaty, 53-i Ulybrıtanııa azamaty, bireýi Kanada azamaty jáne jeteýi Portýgalııa azamaty boldy, dep habarlady Air India X áleýmettik medıa platformasynda.
Málimdemege sáıkes, zardap shekkender jaqyn mańdaǵy aýrýhanalarǵa jetkizilip jatyr.
Aıta keteıik, Londonǵa bet alǵan ushaq Meganı aýdanynda apatqa ushyrap, oqıǵa ornynda úlken qara tútin paıda boldy.
Buǵan deıin apatqa ushyraǵan Air India ushaǵy dárigerlerge arnalǵan jataqhana ǵımaratyna qulaǵanyn habarlaǵan edik.