Apat joıylyp, gaz berile bastady – Almaty oblysynyń ákimdigi

QONAEV. QazAqparat - Almaty oblysy Talǵar aýdanynyń birneshe aýylynda gazdyń óship qalýyna sebep bolǵan magıstraldyq jelidegi apat tolyǵymen joıyldy, barlyq eldi mekender kógildir otynǵa qosyldy, dep habarlaıdy QazAqparat tilshisi.

«Panfılov, Gúldala, Tuzdybastaý aýyldary gazben tolyq qamtamasyz etildi. Qalpyna keltirý jumystaryna «Táýekel» gaz taratý kásipornynyń 60-tan astam jumysshysy men jergilikti ákimdiktiń 20 qyzmetkeri jumyldyryldy», - dedi oblys basshysynyń baspasóz qyzmetiniń jetekshisi Ǵalymurat Júkel.
Ákimdik atap ótkendeı, Tuzdybastaý aýylynyń eki kóshesinde gaz qysymyn retteý jumystary júrgizilip jatyr.
Buǵan deıin habarlaǵanymyzdaı, 30 qarasha kúni keshke magıstraldyq qubyrda apat bolyp, saldarynan Talǵar aýdanyndaǵy birneshe aýyl gazsyz qalǵan edi.