Apat jıi bolatyn Qyzylorda-Aqtóbe tasjolynda polıtsııa qyzmeti kúsheıtildi

ASTANA. KAZINFORM — Aqtóbe oblysynyń ákimi Ashat Shaharov Qyzylorda-Aqtóbe respýblıkalyq joldaǵy apattan ólim-jitimniń jıileýine alańdaýshylyq tanytty.

— Ókinishke qaraı, bul másele ózekti bolyp tur. Tasjol eki jolaqtan turady jáne júk kólikteri kóp júredi. 3 myń kólikke arnalǵan jolda qazir 16 myń kólik ótedi. Jol apaty tyıylmaı tur. Osyǵan baılanysty bul jolda polıtsııa qyzmetkerleriniń sanyn kóbeıtip, 2 kezekshilik qostyq. Osylaısha júk kólikteriniń bir núkteden ekinshi núktege jetýin qamtamasyz etip otyrmyz. Másele baqylaýda. Jolda táýligine 16 myń kólik júredi, sondyqtan qaýip bar, — dedi Ashat Shaharov Ortalyq kommýnıkatsııalar qyzmet alańynda ótken baspasóz máslıhatynda.

Ákimniń málimetinshe, bıyl Qyzylorda-Aqtóbe tasjolynda 200-den asa kólik apaty tirkelgen. 

— Ókinishke qaraı, 11 adam qaza boldy. Qaýipsizdikti qamtý maqsatynda polıtsııamen birlesken jumysty jalǵastyramyz, — deıdi ol.

Eske salaıyq, Aqtóbe men Atyraý shekarasyna deıingi aralyqta qurylys tolyq aıaqtaldy. Qurylys úsh jyl boıy júrdi.