Apat saldarynan Shymkent pen Almaty oblystarynda 355 abonent gazsyz qaldy
ASTANA. 12 maýsym. QazAqparat - Shymkent pen Almaty oblysynda apat saldarynan 355 tutynýshy gazsyz qaldy.
Bul týraly QR TJM baspasóz qyzmetinen habarlady.
11 maýsym kúni Shymkent qalasynyń Orazbaev kóshesinde 25 mm dıametrli ortasha qysymdy jerasty gaz qubyrynan gaz aýaǵa shyǵyp jatqandyǵy anyqtaldy. Apat saldarynan jeke turǵyn úıdiń 320 tutynýshysy gazsyz qaldy.
Jóndeý, qaıta qalpyna keltirý jumystarymen «QazTransGazAımaq» AQ-nyń 5 mamany men bir tehnıkasy aınalysýda.
Dál osy kúni Almaty oblysynyń Bulaqty aýylynda júk kóliginiń júrgizýshisi dıametri 57 mm quraıtyn tómen qysymdy gaz qubyryn janshyp ótken. Saldarynan jeke turǵyn úıdiń 35 abonenti gazdan ajyratyldy.
Jóndeý, qaıta qalpyna keltirý jumystaryna «Táýekel-T» JShS-nyń 6 mamany men 2 tehnıkasy tartyldy.
