Apat saldarynan Bishkek-Astana reısi keıinge qaldyryldy
BІShKEK. QazAqparat - Bishkek-Astana reısi toqtatyldy, qalǵan bógelip turǵan reıster keshke qaldyryldy, dep habarlady Bishkekten «QazAqparat» HAA menshikti tilshisi Qyrǵyzstan áýejaıynyń ákimshiligine silteme jasap.
Olardyń aıtýynsha, qazir áýejaıda Bishkek-Máskeý, Bishkek-Ystanbul, Bishkek-Úrimji jáne Bishkek-Astana baǵyttary boıynsha jolaýshylar otyr. Bishkek-Ystanbul reısi keıinge qaldyryldy, qalǵandary 20.00-ge deıin bógeledi.
Eske salsaq, 16 qańtarda saǵat tańǵy 7.31-de Bishkektiń Dacha-Sýý aýylynda áýejaıǵa jaqyn jerde Gonkongten Túrkııaǵa bet alǵan júk ushaǵy qulady. Avıalaıner «Manas» áýejaıynan maı quıýdy josparlaǵan. Apat saldarynan 31 adam qaza tapty. Onyń ishinde 4 ushqysh bar. Apat saldarynan Bishkek-Astana reısi keıinge qaldyryldy.
