Apat qaýpi asa joǵary aýyzsý obektileriniń tizimi jasalady - Úkimet otyrysy

ASTANA. QazAqparat –Premer-Mınıstr Álıhan Smaıylov Úkimet otyrysynda apat qaýpi asa joǵary aýyzsý obektileriniń tizimin jasaýdy tapsyrdy, dep habarlaıdy QazAqparat tilshisi.

«Indýstrııa mınıstrligi Ekologııa mınıstrligimen jáne óńir ákimdikterimen birlesip, elimizdegi sýmen jabdyqtaý ınfraqurylymyna monıtorıng júrgizip, 1 aı merzimde Úkimetke apat qaýpi asa joǵary obektilerdiń tizbesin engizýi qajet.
Sýdy utymdy paıdalaný úshin Ulttyq ekonomıka mınıstrligi Indýstrııa jáne Ekologııa mınıstrlikterimen birlesip, 1 aı merzimde sýǵa jańa tarıftik saıasatty engizý baǵytynda naqty usynystar engizýi tıis», - dedi Premer-Mınıstr.
Sondaı-aq ol tarıften túsken qarajatty ınfraqurylymdy jańǵyrtýǵa, onyń ishinde sýdy paıdalanýdyń tsıfrlyq tehnologııalaryn engizýge baǵyttaý mańyzdy ekenin atady.
«Ekologııa mınıstrligi óńir ákimdikterimen birlesip, osy jyldyń sońyna deıin qurylys jumystary sozylyp ketken barlyq aýyzsý jobalarynyń aıaqtalýyn qamtamasyz etýi kerek», - dedi Álıhan Smaıylov.