Apat bolǵan aımaqtarda jańarý jáne jańǵyrý jumystary bastalady – Prezıdent

ASTANA. KAZINFORM – Apattyń saldaryn joıý – jumystyń bir kezeńi ǵana. Eń bastysy, apat bolǵan aımaqtarda jańarý jáne jańǵyrý jumystary bastalady. Bul – óte mańyzdy sharýa. Sondyqtan aldymyzda aýqymdy jumys tur.

Bul týraly Memleket basshysy Qasym-Jomart Toqaev Aqordada ótip jatqan Ǵylym jáne tehnologııalar jónindegi ulttyq keńestiń otyrysynda aıtty.

«Ózderińizge málim, sońǵy jyldary elimiz kóptegen syn-qaterdi bastan ótkerip jatyr. Memlekettik apparat qıyndyqtarmen kúresip, mol tájirıbe jınaqtady. Shyńdala tústi. Qazirgi memlekettik qyzmetshilerdiń ómirlik sabaǵy toqsanynshy jyldardaǵy tájirıbeden artyq bolmasa, kem emes. Men sý tasqynymen kúresip jatqan memlekettik qyzmetshilerge, qutqarýshylarǵa jáne eriktilerge alǵysymdy aıtamyn. Sondaı-aq kúrdeli jaǵdaıda myzǵymas birlikte bolyp, ózara janashyrlyq kórsetken, sabyr men tózimdilik tanytqan barsha halqymyzǵa zor rızashylyǵymdy bildiremin. Biz bul qıyndyqty mindetti túrde eńseremiz. Memleket tarapynan barlyq sharýa tııanaqty jasalady. Ár qıyndyqtyń qaıyry bar»,-dep qorytty Prezıdent.