Apaly-sińlili Ýılıamster Australian Open tıtýly úshin baq synaıdy
ASTANA. QazAqparat - Amerıkalyq Serena jáne Vınýs Ýılıams tennısten Avstralııanyń Ashyq chempıonatynyń fınalynda kezdesedi. Bul týraly jarystyń saıtynda jarııalanǵan.
Vınýs jartylaı fınalda otandasy Koko Vandevegeni (6:7, 6:2, 6:3) utty. Al, Serena Horvatııanyń namysyn qorǵaǵan Mırıana Lýchıch-Baronıden (6:2, 6:1) basym tústi.
Fınaldyq oıyn senbi, 28 qańtar kúni ótedi. Kishi Ýılıams Avstralııanyń Ashyq chempıonatynda alty ret jeńimpaz bolǵan, al Vınýs fınalda tek bir ret qana oınaǵan. Apaly-sińlilerdiń kezdesýi - 16:11 esebimen Serenanyń paıdasynda.
Australian Open - «Úlken shlem» týrnıri maýsymyndaǵy alǵashqy saıys. Jalpy júldelik qory 36 mln dollardan asatyn báseke 16 - 29 qańtar aralyǵynda Melbýrnde ótýde.
