AÓSShK Ystambuldaǵy sammıtinde uıymǵa jańa músheler qabyldanady - QR SІM
; ALMATY. Sáýirdiń 23-i. QazAqparat /Erlik Erjanuly/ - Azııadaǵy ózara is-qımyl jáne senim sharalary keńesiniń (AÓSShK) maýsymnyń 8-i kúni Ystambulda ótetin ІІІ sammıtinde uıymǵa jańa 2 múshe qabyldanady. Ony QR Syrtqy ister mınıstriniń orynbasary Nurlan Ermekbaev búgin Almatyda ótip jatqan AÓSShK Aǵa laýazymdy tulǵalar komıtetiniń otyrysynda aıtty,
dep habarlaıdy QazAqparat.
«Bul otyrystyń basty maqsaty - Ystambulda ótetin AÓSShK elderiniń memleket jáne úkimet basshylarynyń ІІІ sammıtine daıyndyq jáne ony ótkizý máselelerin talqylaý. Onda Sammıttiń 2 qorytyndy qujaty qabyldandy. Birinshisi, Sammıtiń saıası deklaratsııasy, ekinshisi - AÓSShK basshylyǵynyń, personalynyń jáne múshe memleket ókilderiniń artyqshylyqtary men ımmýnıtetteri týraly konventsııa», dedi Syrtqy ister mınıstriniń orynbasary. Onyń aıtýynsha, Ystambuldaǵy erekshe Sammıt bolmaq. Óıtkeni qazirgi tańda Qazaqstan eki iri uıymǵa EQYU men AÓSShK-ke tóraǵalyq etip jatyr. Bıyl AÓSShK tóraǵalyǵyn Túrkııaǵa ótkizemiz. Onyń aıasynda Azııadaǵy EYQU áriptesterine arnalǵan arnaıy is-shara josparlanýda. Ol «HHІ ǵasyrdaǵy Eýrazııa aýmaǵyndaǵy ekonomıkalyq jáne qaýipsizdik salasyndaǵy yntymaqtastyq» degen taqyryppen ótedi.
