AÓSShK tóraǵalyǵy Tájikstanǵa ótti
ASTANA. QazAqparat - Azııadaǵy ózara is-qımyl jáne senim sharalary jónindegi keńestegi tóraǵalyq Tájikstanǵa ótti, dep habarlaıdy QazAqparat.
QR SІM baspasóz qyzmetiniń habarlaýynsha, BUU Bas Assambleıasynyń 73-shi sessııasy aıasynda Azııadaǵy ózara is-qımyl jáne senim sharalary jónindegi keńestiń múshe-memleketteri syrtqy ister mınıstrleriniń arnaıy kezdesýi ótti.
Kezdesý barysynda Qytaı Halyq Respýblıkasynan (2014-2018 jj.) Tájikstan Respýblıkasyna (2018-2020 jj.) AÓSShK tóraǵalyǵyn tapsyrý rásimi ótti.
Habıbolla Mırzoev Hatshylyqtyń jańa Atqarýshy dırektory bolyp taǵaıyndaldy. Onyń kandıdatýrasyn barlyq AÓSShK-ge múshe 27 memleket biraýyzdan qoldady.
