AÓSShK EQYU sııaqty qurylymǵa aınalýǵa jaqsy áleýeti bar - QR SІM
trong>. Sáýirdiń 23-i. QazAqparat /Erlik Erjanuly/ - Azııadaǵy ózara is-qımyl jáne senim sharalary keńesine (AÓSShK) Túrkııanyń tóraǵalyq etýi uıymnyń jumysyna jańa serpin berýi múmkin. Bul búgin Almatyda ótip jatqan AÓSShK-niń Aǵa laýazymdy tulǵalar komıtetiniń otyrysynda aıtyldy,
dep habarlaıdy QazAqparat.
«Qazaqstan AÓSShK-ne 17 jyl tóraǵalyq etti. Osy ýaqyttyń ishinde úlken jumystar atqardy. Birinshiden, senim sharalary degen katalog boıynsha senim sharalaryn iske asyrý júrip jatyr. Onyń aıasynda - esirtkige qarsy kúres, ekologııa, aqparattyq tehnologııa, týrızm, bıznesti damytý sııaqty birneshe salalarda árbir memleket óziniń moınyna jaýapkershilik alyp, úılestirýshi jumys ótkizip, mańyzdy sharalar jasaýda», deıdi QR Syrtqy ister mınıstriniń ornybasary Nurlan Ermekbaev. Onyń aıtýynsha, Qazaqstannyń AÓSShK-in EQYU sııaqty uıymǵa aınaldyrý týraly uzaq merzimdik jospary bar. Óıtkeni Azııada jalpy qaýipsizdik salasynda EQYU sııaqty qurylym joq. Sol sebepti AÓSShK-niń osyndaı qurylymǵa aınalýynyń jaqsy áleýeti bar. EQYU men AÓSShK-ne Qazaqstannyń bir kezde tóraǵalyq etýi olardyń ozyq tájirıbelerin bir-birine paıdalanýyna jaqsy múmkindik berip otyr. Bul AÓSShK qarqyndy damýyna óz septigin tıgizedi.
«AÓSShK-niń Ystambuldaǵy Sammıtiniń deklaratsııasy 2006 jyly Almatyda ótken Sammıtegi deklaratsııanyń jalǵasy bolmaq. Onda Eýrazııalyq keńistiktegi qaýipsizdik, qarýlaný, lańkestikpen kúres, jańa qaýip-qaterlermen kúres, ıadrolyq qarýdy taratpaý máseleleri qamtylǵan bolatyn. Bul basqosýda sondaı-aq, uıymǵa jańa 2 memleket múshelikke qabyldanbaqshy. Ázirge olar týraly aqyrǵy sheshim qabyldanǵan joq», deıdi N. Ermekbaev.
