14:09, 15 Maýsym 2019 | GMT +6
AÓSShK Azııadaǵy qaýipsizdikti qamtamasyz etýdiń negizgi tetigine aınaldy - Prezıdent
DÝShANBE. QazAqparat - Azııadaǵy ózara is-qımyl jáne senim sharalary jónindegi keńes qaýipsizdikti qamtamasyz etýdiń negizgi tetigine aınalyp, qurlyǵymyzdyń tarıhynda jańa kezeńge jol ashty. Bul jaıly QR Prezıdenti Qasym-Jomart Toqaev Dýshanbede ótken AÓSShK sammıtinde málim etti, dep habarlaıdy QazAqparat tilshisi.
«Forým geografııasynyń keńeıýi onyń halyqaralyq arenadaǵy róli men bedelin arttyrdy. Búgin AÓSShK - Azııa aýmaǵyndaǵy 35 memleket pen ǵalamsharymyzdyń teń jartysyndaǵy halyqtardy biriktirgen bedeldi de kópjaqty qurylymǵa aınaldy»,- dedi Qasym-Jomart Toqaev.
Memleket basshysy AÓSShK-ny qurý bastamasy Qazaqstanǵa tıesili ekenin atap ótti.
«1992 jylǵy Qazaqstannyń Tuńǵysh Prezıdenti - Elbasy Nursultan Nazarbaevtyń BUU-da Azııadaǵy ózara yqpaldastyq jáne senim sharalary jónindegi keńes qurý týraly usynysy ǵalamsharymyzdyń tarıhyndaǵy jańa kezeńniń bastalýyna jol ashyp, Azııadaǵy qaýipsizdikti qamtamasyz etýdiń negizgi faktoryna aınaldy», - dedi Qasym-Jomart Toqaev.
