AOK Úılestirý komıteti 2011 jylǵy qysqy Azııa oıyndaryna daıyndyq máselelerin talqylady
ASTANA. Jeltoqsannyń 11-i. QazAqparat /Rýslan Ǵabbasov/ - Búgin Astanada Azııa Olımpıadalyq keńesiniń Úılestirý komıtetiniń otyrysyna qatysýshylar 2011 jyly elimizde ótetin qysqy Azııa oıyndaryna daıyndyq máselelerin talqylady,
dep habarlaıdy QazAqparat.
Atap aıtqanda, Azııa Olımpıadalyq keńesiniń ókilderine sporttyq nysandardyń daıyndyǵy, qatysýshy elderdiń sporshylary men delegattaryn, jankúıerlerdi ornalastyrý, sonymen birge jarystardy ótkizý tártibi jáne basqa da sharalar tanystyryldy
Otyrys barysynda Týrızm jáne sport mınıstri Temirhan Dosmuhambetov sporttyq nysandardyń qurylysy josparlanǵan tártip boıynsha júrgizilip jatqanyn, sondaı-aq olar óz ýaqytynda aıaqtalatynyna senim bildirdi.
«Al uıymdastyrý máselelerine toqtalsaq, osyǵan baılanysty tájirıbemiz mol. Jaqynda biz 140 elden kelgen delegattardyń qatysýymen Dúnıejúzilik týrıstik uıymy Bas assambleıasynyń májilisin ótkizdik. Bul shara aıasynda barlyǵy joǵary deńgeıde uıymdastyryldy», dedi mınıstr.
