AÓK-ti damytýdyń jańa memlekettik baǵdarlamasy Qazaqstandaǵy aýyl halqynyń ál-aýqatyn arttyrýǵa kómektesedi - sarapshy

ASTANA. QazAqparat - AÓK damytýdyń 2017-2021 jyldarǵa arnalǵan jańa memlekettik baǵdarlamasyn iske asyrý jańa jumys oryndaryn ashýǵa, aýyldaǵy taýar-logıstıka ınfraqurylymyn damytýǵa serpin berip, sondaı-aq aýyl turǵyndaryna taýar óndirisiniń belsendi qatysýshysy bolýǵa jáne osylaısha óz tabysyn arttyrýǵa múmkindik beredi. «QazAgro» holdınginiń basqarma tóraǵasynyń keńesshisi Sarýar Kenjebolat primeminister.kz saıtyna bergen suhbatynda osyndaı pikirmen bólisken.

S. Kenjebolat Memlekettik baǵdarlamanyń negizgi maqsaty naryqta suranysqa ıe básekege qabiletti ónimder óndirisin qamtamasyz etýdi kózdeıtinin aıtty.

«Baǵdarlama Memlekettik mártebesine ıe, sondyqtan ol vedomstvoaralyq ózara is-qımyldy baǵamdaıdy. Demek, biz aýyl sharýshylyǵy máselelerin ǵana emes, sabaqtas salalardy, onyń ishinde jer, sý resýrstary, agrohımııalyq qamtamasyz etý, saýda-logıstıka ınfraqurylymy jáne taǵy basqa salalardyń máselelerin qozǵaımyz. Bul máseleni agroónerkásip keshenin damytýǵa áser etetin barlyq negizgi kezeńderdi qarastyra otyryp, keshendi qamtýǵa múmkindik beredi», - dedi S. Kenjebolat.

Ol baǵdarlama ázirleý qajettiligi agroónerkásip kesheni qazirgi jaǵdaıda elimizdiń ekonomıkalyq ósiminiń negizgi draıveri bolýy kerektiginen týyndaǵanyn atap ótti.

«Іshki ári syrtqy naryqta satylatyn, suranysqa ıe ónimder óndirisine basa nazar aýdarylady. Osy oraıda ishki naryqta úlken ımportqa ıe taýar pozıtsııasyna jáne eksporttyq áleýeti bar, ıaǵnı osy ónimdi syrtqa shyǵarýǵa bolatyn pozıtsııalarǵa basymdyq beriledi. Bundaı tásil ekonomıkaǵa oń áserin berýi tıis», - dedi S. Kenjebolat.

Onyń aıtýynsha, ónim baǵasy men sapasy jaǵynan uqsas ónimderden qalys qalmaýy úshin, yntalandyrý jáne memlekettik qoldaý sharalary, sonymen qatar qajetti ınfraqurylymdy qurý jumystary qarastyrylýda.

«Bul úshin jeke úı jáne usaq fermer sharýashylyǵymen júrgiziletin ónim kooperatıvtermen shoǵyrlanyp, keıin ol qazirgi tańda jetkilikti túrde júktelmegen óńdeýshi kásiporyndarǵa ótkiziletin kezde kooperatsııa arqyly jaǵdaı jasalatyn bolady. Sharýashylyq ózine ǵana jumys istemeı, adamdar odan tabys taýyp, qosymsha paıda tabýǵa bolatynyn túsine bastaǵan kezde, kásipkerliktegi belsendilik artyp, aýyl turǵyndary ózderine tabıǵı óndiristen bólek, naryqqa shyǵý úshin taýar óndirisimen de aınalysa bastaıdy», - dedi S. Kenjebolat.

Aýyl sharýashylyǵyndaǵy osyndaı serpin, onyń aıtýynsha, ózge sabaqtas salalardyń damýyna da sebep bolyp, jańa qosymsha jumys oryndarynyń ashylýyna, aýyl halqynyń ál-aýqatyn arttyrýǵa múmkindik beredi.

Eske sala keteıik, 29 qarashada ótken Úkimet otyrysy barysynda 2017-2021 jyldarǵa arnalǵan AÓK-ni damytýdyń memlekettik baǵdarlamasy qaraldy.