AÓK-ti damytý tujyrymdamasy men Ulttyq jobanyń aıyrmashylyǵy ataldy - AShM
Saparhan Omarovtyń aıtýynsha, agroónerkásip keshenin odan ári turaqty damytý maqsatynda Aýyl sharýashylyǵy mınıstrligi Memleket basshysynyń tapsyrmasy boıynsha «Agroónerkásip keshenin damytýdyń 2021-2030 jyldarǵa arnalǵan tujyrymdamasyn» jáne «AÓK damytýdyń 2021-2025 jyldarǵa arnalǵan ulttyq jobasyn» ázirlegen. Osy jyldyń 21 sáýirinde AÓK damytýdyń jalpy tásilderi QR Prezıdenti janyndaǵy reformalar jónindegi Joǵary Keńes múshelerine tanystyryldy jáne Prezıdent maquldady. Memleket basshysy Tujyrymdama men Ulttyq joba arasyndaǵy sharalardyń arajigin ajyratýdy tapsyrdy.
«Tujyrymdama salany - uzaq merzimdik kezeńge damytýdyń basymdyqtary men vektorlaryn aıqyndaıdy, sondyqtan júıeli sıpattaǵy sharalardy, onyń ishinde zańnama men normatıvtik-quqyqtyq bazany ózgertýdi qamtıdy. Al, Ulttyq joba kúsh-jiger men resýrstardy shoǵyrlandyrýdy talap etetin naqty mindetter men jobalardy sheshýge baǵyttalǵan», - dedi ol.
Mınıstrdiń aıtýynsha, tujyrymdamanyń negizgi mindetteri memlekettik qoldaý sharalarynyń tıimdiligin arttyrý; veterınarlyq jáne fıtosanıtarlyq qaýipsizdikti qamtamasyz etý; Jer resýrstarynyń qoljetimdiligin qamtamasyz etý; qarjy quraldaryn jetildirý jáne júıeli sıpattaǵy basqa da is-sharalardy qamtıdy.
«Júıeli qujattar aıasynda memlekettik qoldaý is-sharalarynyń turaqtylyǵy men sabaqtastyǵyn qamtamasyz etýdi normatıvti túrde bekitý josparlanýda. Bul agrarshylarǵa óz qyzmetin uzaq merzimdi perspektıvaǵa josparlaýǵa múmkindik beredi. Sondaı-aq, memlekettik qoldaýdyń tıimdiligin arttyrý maqsatynda bızneske mindettemeler júkteletin bolady. Budan bólek, Memleket basshysynyń tapsyrmasymen «memlekettik qoldaý» bólinerde óńirlerdiń erekshelikteri eskeriletin bolady. Bul tabıǵı-klımattyq jáne basqa da faktorlarǵa baılanysty AÓK damytý salasynda memlekettik saıasatty tıimdi júrgizýge múmkindik beredi», - dedi Saparhan Omarov.