AÓK sýbektileriniń qaryzdaryn saqtandyrý sheńberinde sýbsıdııalaýǵa ótinishterdi qabyldaý bastaldy
Kepildik/saqtandyrý syıaqysy boıynsha komıssııanyń bir bóligin sýbsıdııalaýǵa aýyl sharýashylyǵy qyzmetin júzege asyrý úshin aınalym qarajatyn tolyqtyrýǵa beriletin kredıtter men AÓK salasyndaǵy qaıta óńdeý kásiporyndarynyń aınalym qarajatyn tolyqtyrýǵa beriletin kredıtter jatady.
Kepildendirý men saqtandyrý aıasyndaǵy sýbsıdııalar kepildik/saqtandyrý syıqysy boıynsha komıssııanyń 50%-yn óteýge baǵyttalady.
AÓK sýbektileriniń qaryzdaryn kepildendirý men saqtandyrý sheńberinde sýbsıdııalaýdyń negizgi maqsaty AÓK sýbektileriniń kredıt resýrstaryna qoljetimdiligin keńeıtý jáne qamtamasyz etý bolyp tabylady.
Sýbsıdııalardy berý sharttary, usynylatyn qujattarǵa qoıylatyn talaptar, ótinimderdi qabyldaý jáne sheshimderdi shyǵarý tártibi Qazaqstan Respýblıkasy Úkimetiniń «Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryn bekitý týraly» 2014 jylǵy 05 tamyzdaǵy №900 qaýlysymen bekitilgen.
«Qazagromarketıng» AQ baǵdarlama aıasynda operator qyzmetin atqarady. Baǵdarlama respýblıkanyń barlyq aýmaǵy boıynsha júzege asyrylady. Búgingi kúni ótinimderdi «Qazagromarketıng» AQ-nyń 6 oblystaǵy (Aqmola, Pavlodar, Qyzylorda, Qaraǵandy, Aqtóbe, Ońtústik Qazaqstan) jáne Astana qalasyndaǵy ókildikteri qabyldaýda. Ózge oblystarda ótinimderdi qabyldaý jaqyn arada bastalady.
Qaryzdardy kepildendirý men saqtandyrý sheńberinde sýbsıdııalaý Qazaqstan Respýblıkasynda agroónerkásiptik keshendi damytý jónindegi 2013-2020 jyldarǵa arnalǵan «Agrobıznes-2020» baǵdarlamasynyń bir baǵyty bolyp tabylady.
