AÓK sýbektileri 2 mlrd. teńgege jýyq somaǵa ınvestıtsııalyq sýbsıdııa alatyn boldy
Ótinimder Jambyl (44), Shyǵys Qazaqstan (20), Qaraǵandy (19), Ońtústik Qazaqstan (17), Aqmola (12), Pavlodar (5), Qostanaı (4) oblystary boıynsha maquldanǵan, dep habarlady «Qazagromarketıng» AQ baspasóz qyzmetinen.
Maquldanǵan ótinimder boıynsha jobalardyń jalpy quny 10 mlrd. teńgege jýyq somany quraıdy. Búgingi tańda bul jobalar aıasynda 200-den astam turaqty jumys orny quryldy.
Bul jobalardyń neǵurlym kóp bóligi etti baǵyttaǵy iri qara mal ósiretin sharýashylyqtardy tehnıkamen jabdyqtaý (45 joba), sýarý júıelerin - jańbyrlatý men tamshylatyp sýarýdy engizý (25 joba), mal basy 600 saýlyqtan kem emes sharýashylyqtardy keńeıtý jáne tehnıkalyq jaraqtandyrýǵa (23 joba) tıesili.
Barlyq jobalar 2014 jyldyń 1 qańtarynan iske qosyldy. Sebebi ınvestıtsııalyq sýbsıdııalaý baǵdarlamasynyń sharttary boıynsha baǵdarlamaǵa tek bıylǵy jyly iske qosylǵan jobalar qatysa alady.
Eske sala ketsek, ınvestıtsııalyq sýbsıdııalaý elimizde bıyl alǵash ret «Agrobıznes-2020» baǵdarlamasy aıasynda júzege asyrylýda.
