AÓK salasynda sýbsıdııalar qoljetimdi nesıemen almastyrylady
ASTANA. QazAqparat - Agroónerkásiptik keshendegi sýbsıdııalar qoljetimdi nesıemen almastyrylady. Bul týraly Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
«Agroónerkásiptik keshendi memlekettik qoldaý sharalarynyń tıimdiligin arttyrýdyń ekinshi kezeńi aıasynda sýbsıdııadan qoljetimdi nesıeleýge kóshý máselesi kún tártibinde tur. Nesıemen aýystyrý úshin aldyn ala sýbsıdııanyń 15 túri aıqyndaldy. Sonymen birge jyl saıyn 24 mlrd teńge qarjylandyrýǵa qaıta bólinedi. Jaqyn arada bul usynys mınıstrlikterdiń, «Atameken» palatasy jáne óńirlerdiń alańdarynda talqylanady», - dep túsindirdi Q. Aıtýǵanov.
Eske sala keteıik, búgin Úkimet otyrysynda QR Aýyl sharýashylyǵy mınıstrligi agroónerkásiptik keshendegi problemalardy sheshý úshin tıisti kartalar ázirlengenin habarlaǵan bolatynbyz.
