AÓK ónimderin qadaǵalaıtyn «egistikten ústelge deıin» júıesi iske qosylady
«2019 jyly mal sharýashylyǵy, ósimdik sharýashylyǵy jáne balyq ónimin qamtıtyn agroónerkásiptik keshen ónimderin qadaǵalaýdyń «egistikten ústelge deıin» júıesi iske qosylatyn bolady», - dep toqtaldy ol.
Osy oraıda birinshi vıtse-mınıstr veterınarııalyq jáne fıtosanıtarııalyq zerthanalardy, mal bazarlaryn, qasaphanalardy, qaıta óńdeýshi kásiporyndardy, tuqym sharýashylyǵy sýbektilerin, saýda, logıstıka jelilerin esepke alý qadaǵalanatynyn atap ótti.
«Qadaǵalaý halyqaralyq standarttardyń talaptaryna sáıkes keletin bolady, sondaı-aq jańa jáne perspektıvaly eksporttyq naryqqa shyǵýdy qamtamasyz etedi», - dep túsindirdi A. Evnıev.
Budan bólek ol 2020 jyldan bastap saladaǵy elektrondyq saýdany tolyq formatta engizý josparlanyp otyrǵanyn jetkizdi.
«Ol úshin úlken daıyndyq jumysy qajet. Máselen, aǵymdaǵy jyly Agroónerkásiptik keshenniń logıstıkasy kartasy ázirlenetin bolady. Onda jumys istep turǵan jáne salý qajet termınaldar, saqtaý oryndary, qoımalar, saýda-taratý ortalyqtary aıqyndalady. Elektrondyq saýda tikeleı saýda-sattyq kólemin kem degende 20 paıyzǵa ulǵaıtýǵa jáne josyqsyz deldaldar býynyn boldyrmaýǵa múmkindik beredi. Aýyl sharýashylyǵy taýaryn óndirýshiler men kooperatıvter óz ónimderin kóterme partııamen jedel shoǵyrlandyra alady, jetkizilimderdi júıelendirýdi jáne ony ishki jáne syrtqy naryqqa tıimdi túrde jyljytýdy qamtamasyz etedi», - dedi Arman Evnıev.