AOK qysqy Azııa oıyndaryndaǵy jarystardyń kúndelikti tizbeleriniń jáne resmı jattyǵýlardyń jobalaryn bekitti
ASTANA. Qańtardyń 10-y. QazAqparat /Rýslan Ǵabbasov/ - Azııa Olımpıadalyq keńesi 2011 jyldaǵy qysqy Azııa oıyndaryndaǵy jarystardyń kúndelikti tizbeleriniń jáne resmı jattyǵýlardyń jobalaryn bekitti,
dep habarlaıdy QazAqparat.
Týrızm jáne sport mınıstrligi baspasóz qyzmetiniń málimetinshe, bıylǵy jyldyń aǵymdaǵy qańtar aıynda atalǵan oıyndardyń barlyq sporttyq nysandary boıynsha testilik jarystardyń tizimi qalyptastyrylmaq.
Qysqy Azııa oıyndarynyń testilik saıystaryn ótkizýge daıyndyq aıasynda sporttyq federatsııalarmen, qazylar alqasy brıgadalarymen, sondaı-aq jarystardyń sporttyq menedjderlerimen tyńǵylyqty jumystar júrgizilýde. Sonymen birge qatysýshylardy tirkeý sharalaryn júrgizýge, ornalastyrý jáne tasymaldaý júmystary úshin logıstıkalyq ortalyq uıymdastyrylǵan. Vızalyq qoldaý kórsetý, júkterdiń jetkizilimi, tehnıkalyq qamtamasyz etý máseleleri sheshilgen.
Aıta keteıik, Úılestirý komıteti Azıadanyń sporttyq baǵdarlamasyn qaıta qarastyryp, ony 11 sport túri boıynsha bekitti. Aldaǵy jylda ótetin sporttyq dodada medalderdiń 69 komplektisi sarapqa salynbaq.
