AÓІSShK Ǵulamalar keńesi quryldy
«Ǵulamalar keńesin qurý týraly qujat qabyldandy. Qurmetti áriptester! Azııadaǵy ózara is-qımyl jáne senim sharalary keńesiniń jańa ınstıtýtynyń qurylýymen quttyqtaımyn. Bul - beıbitshilik pen qaýipsizdikti qamtamasyz etýdi qosa alǵanda AÓІSShK-ni damytýmen baılanysty suraqtardyń keń aýqymy boıynsha mańyzdy keńester beretin, AÓІSShK qyzmetiniń munan arǵy baǵyttary men basymdyqtary retinde senim sharalaryn júzege asyratyn konsýltatıvtik organ. Qazaqstan osy sheshimderdiń barlyǵyn jedel júzege asyrýǵa kirisýge daıyn», - dedi kezdesýge tóraǵalyq etken QR Syrtqy ister mınıstriniń orynbasary Aqan Rahmetýllın.
Buǵan deıin QR Prezıdenti Qasym-Jomart Toqaev Azııadaǵy ózara is-qımyl jáne senim sharalary keńesi quryltaıshysy kandıdattaryna Nursultan Nazarbaev myrzany Ǵulamalar keńesiniń basshysy laýazymyna taǵaıyndaýdy usynǵanyn habarlaǵan edik.
«Kelesi qujat – bul Ǵulamalar keńesi týraly qujat. Biz ony búgin qabyldaýymyz qajet. Múshe memleketter konsýltatıvtik-keńes organyn qurýdy qoldady jáne qazirdiń ózinde múshelikke kandıdattardy usyný bastalyp ketti. Búgin biz Ǵulamalar keńesi týraly erejeni bekitetin bolamyz. Búgin tańerteń bizben kezdesý barysynda Prezıdent Qasym-Jomart Toqaev Azııadaǵy ózara is-qımyl jáne senim sharalary keńesi quryltaıshysy kandıdattaryna Nursultan Nazarbaev myrzany Ǵulamalar keńesiniń basshysy laýazymyna taǵaıyndaýdy usyndy. Sizder osy kandıdatýrany qoldaısyzdar dep úmittenemin», - degen edi QR Syrtqy ister mınıstriniń orynbasary.
