Ańyzǵa aınalǵan Pele COVID-19-ǵa qarsy vaktsına aldy
NUR-SULTAN. QazAqparat – Aty ańyzǵa aınalǵan brazılııalyq fýtbolshy, 80 jastaǵy Pele koronavırýsqa qarsy vaktsınanyń alǵashqy dozasyn saldyrǵanyn málimdedi, dep habarlaıdy QazAqparat ESPN telearnasyna silteme jasap.
«Búgin umytylmas kún. Maǵan ekpe jasady. Pandemııa áli bitken joq. Biz kóp adamǵa ekpe jasaǵanǵa deıin adamdardyń ómirin saqtap qalý úshin erejeni saqtaýymyz kerek», - dep jazdy Pele áleýmettik jelige.
Qazirgi tańda Brazılııa turǵyndarynyń 4%-y ǵana koronavırýsqa qarsy ekpe aldy.
