Ańyzǵa aınalǵan ıtalıalyq kıno juldyzy Djına Lollobrıdjıda qaıtys boldy
ASTANA. QazAqparat - Italııada 95 jasynda ıtalıalyq kıno juldyzy, aktrısa Djına Lollobrıdjıda qaıtys boldy. Bul týraly QazAqparat VVS aqparat agenttigine silteme jasap habarlaıdy.
Djına Lollobrıdjıda 1927 jyly Sýbıako qalasynda jıhaz jasaýshylardyń otbasynda dúnıege kelgen. Ol «Fanfan-Tıýlpan» (1952) jáne «Parıj Qudaı anasynyń sobory» (1956) fılmindegi rólinen keıin tanymal boldy. Sondaı-aq «Qyrkúıekte kel», «Tún sulýlary» jáne «Saban jesir» fılmderimen jaqsy este qaldy.
D.Lollobrıdjıda barlyǵy 60-tan astam fılmde oınady, ol 50-60-shy jyldardaǵy eń tabysty aktrısalardyń biri bolyp sanalady. Ol Hamfrı Bogart, Frenk Sınatra jáne Jerar Fılıppen birge kınoǵa túsken.
Lollobrıdjıda «Italııa Respýblıkasy aldynda eńbegi úshin» ordenimen marapattalǵan, sondaı-aq Qurmet legıony ordeniniń kavaleri bolǵan.
2018 jyly aktrısa Los-Andjelestegi Gollıvýdtyń Dańq alleıasynan oryn aldy.
Foto: azertag.az
