Ańyzǵa aınalǵan ǵaryshker-ushqysh - «Qazaqstan» telearnasynda qonaqta

ASTANA. QazAqparat - Sonaý 1991 jyldyń qazanynda 45 jasynda ǵarysh keńistigin baǵyndyryp, Jerge abyroımen oralǵan, kelesi jyly 70 jyldyǵyn atap ótetin qazaqtan shyqqan tuńǵysh ǵaryshker, ushqysh, Keńes Odaǵynyń Batyry (1988), Qazaqstan Respýblıkasynyń Halyq Qaharmany (1995) Toqtar Áýbákirov búgin, 2 mamyr kúni «Qazaqstan» telearnasynda «Senbilik kezdesý» baǵdarlamasynyń qadirmendi qonaǵy bolady.

Bul týraly ulttyq arnanyń baspasóz qyzmetinen habarlady.

Zaýytta tokar bolyp jumys istep júrip, ǵaryshty baǵyndyrýǵa bel baılaǵan qadamdar, 7 kún ashyq ǵaryshta bolǵan umytylmas sátter. Toqtar Áýbákirov esimi Gınnestiń rekordtar kitabyna engen birden bir qazaqstandyq, sonymen qatar kartoptyń jańa sortyna Toqtar esiminiń berilgeni taǵy bar.

Eń jaqyn aralasatyn dostary Ákim Tarazı, Marfýǵa Aıthojına, Eskendir jáne Darıko Hasanǵalıevter, nemere-kelinderi de «Senbilik kezdesý» baǵdarlamasynyń qadirmendi qonaqtary bolyp, basty qaharmannyń ómirinen biz bile bermeıtin qyr-syrlarymen bólisedi.

Toqtar aǵanyń atyndaǵy kóshe Qazaqstannyń qaı qalasynda, Toqtar Áýbákirov atyndaǵy grant ıegerleri qaı ýnıversıtette oqyp júr. Osy jáne basqa da suraqtarǵa tolyq jaýapty búgin keshke, saǵat 21.00-de «Qazaqstan» telearnasynan alýǵa bolady. Jiberip almańyzdar!

«Qazaqstan» telearnasynda aqpannyń sońynda jańa formattaǵy - «memýarlyq» janrdaǵy «Senbilik kezdesý» atty jańa baǵdarlama shyǵa bastady. Júrgizýshi Qurmanbek Jumaǵalı tanymal tulǵalardyń el bilmeıtin jeke ómiriniń syrlaryn ashýǵa talpynady.