Ánýar Janǵozın astanalyq bilim basqarmasynyń basshysy qyzmetinen ketti
NUR-SULTAN. QazAqparat – Nur-Sultan qalalyq bilim basqarmasynyń basshysy qyzmetin atqaryp kelgen Ánýar Janǵozın qyzmetinen ketti, dep habarlaıdy QazAqparat.
«Qurmetti Elorda turǵyndary! Búgin qalamyzda bilim basqarmasynyń jetekshisi retindegi qyzmetim óz máresine jetip otyr. 3 jylda kúrdeli de mazmundy jumystar atqaryldy. Elimizde alǵash engizilip jatqan jobalar, azamattarǵa qatysty túrli máselelerdi sheshý, óz isiniń kásibı mamandarymen jumys isteý meni baqytqa bóledi», - dep jazdy Á. Janǵozın óziniń Facebook paraqshasynda.
Sonymen birge, ol áleýmettik jelide ózi basshylyq etken ýaqytta júzege asqan jobalardyń nátıjesimen bólisti.
«Árıne, munyń barlyǵy áriptesterdiń, belsendi ata-analardyń, úkimettik emes uıymdar men qalalyq qoǵam músheleriniń qoldaýynyń arqasynda júzege asqan jumystardyń bóligi ǵana. Men barsha aıanbaı eńbek etken jandarǵa alǵys aıtamyn. Aldaǵy ýaqytta jańa jáne tyń jobalardy júzege asyrý barysy týraly Sizderdi mindetti túrde habardar etemin», - dedi Ánýar Janǵozın.
