Ánýar Sarıev Germanııa ashyq kýbogynda kúmis enshiledi
ASTANA. QazAqparat - Germanııanyń Heıdelberg qalasynda para-dzıýdodan Halyqaralyq «German Judo-2017» Germanııa ashyq kýbogy ótýde.
Bul synda qos otandasymyz Ánýar Sarıev pen Orynbasar Quralbaı (73 kg) júldeli II orynǵa ıe boldy, dep habarlaıdy dodasport.kz.
60 keli salmaqta synǵa túsken Atyraýlyq sportshy Ánýar Sarıev tórt kezdesý ótkizdi. Alǵashqy jekpe-jeginde Germanııalyq Forts Lıondy ıpponmen utty. Keıin Ispanııalyq qarsylasy Garısa Davıdti de ońaı jeńdi. Jartylaı fınalda Reseılik Djabraılov Zaýrdy da tize búktirdi. Tek fınalda Rıo Paralımpıadasynyń qola júldegeri Aleksandr Bologaǵa qosymsha ýaqytta ese jiberdi.
Taǵy bir aıta ketetin jaıt, Qazaqstandyq tóreshiler arasynda Ánýar Sarıevtiń bapkeri Jandos Qııanyń Germanııa Halyqaralyq týrnıriniń tóreshiler quramynda boldy.
