Antverpen ortalyǵy Trampqa 321 gaýhar tasy bar júzik syılady
ASTANA.KAZINFORM — Antverpen álemdik gaýhar ortalyǵy (AWDC) AQSh táýelsizdiginiń 250 jyldyǵyna oraı AQSh prezıdenti Donald Trampqa 321 tabıǵı gaýhar tasty altyn júzik syılady, dep habarlaıdy TASS.
Saqına Belgııadaǵy AQSh elshisi Bıll Ýaıtqa berildi.
AWDC Facebook-te saqınanyń altynnan jasalǵanyn jáne 321 tabıǵı gaýhar tastarmen jáne 75 basqa da baǵaly tastarmen bezendirilgenin jazǵan.
— AQSh qanshama jyldar boıy bizdiń negizgi saýda seriktesimiz boldy. Antverpende satylatyn tabıǵı gaýhar tastardyń kópshiligin AQSh satyp alýshylary alady. Biz bul júziktiń tyǵyz ekonomıkalyq qarym-qatynasymyzdyń sımvolyna aınalýyn qalaımyz, — dep atap ótti Antverpen zergerleri.
Olar júzikti jasaýda tek tabıǵı gaýhar tastar paıdalanylǵanyn erekshe atap ótti.
— Tabıǵı jáne jasandy gaýhar tastardy jaı kózben ajyratý múmkin emes, biraq olardyń biregeıligi, qundylyǵy jáne mártebesi sapa jaǵynan ártúrli, — delingen ortalyq málimdemesinde.
