Antýan Grızmann «Atletıkomen» jańa kelisimshart jasasty
ASTANA. QazAqparat - Madrıdtiń "Atletıko" fýtbol klýby komanda kóshbasshysy Antýan Grızmannmen kelisimshartyn uzartty. Bul týraly klýbtyń resmı saıtynda habarlandy.
Frantsýz fýtbolshysy 2022 jylǵa kelisimge qol qoıǵan degen derek bar. Biraq sharttyń jańa talaptary jarııalanbaıdy. Sondaı-aq, onyń jalaqysy kóbeıgen.
2016 jyly FIFA «Atletıko» klýbyna 18 jasqa tolmaǵan oıynshylardy komandaǵa shekten tys tirkegeni úshin oıynshy satyp alýǵa tyıym salǵan edi. Sondyqtan da Dıego Sımeonege qazir shabýylshy aýadaı qajet.
Aıta keteıik, 26 jastaǵy Antýan Grızmann «Atletıkoda» 2014 jyldan beri oınap keledi. Ótken jyly ulttyq qurama sapynda Eýropa chempıonatynyń kúmis júldegeri atandy. Osyǵan deıin aǵylshynnyń "Manchester ıÝnaıted" komandasyna aýysyp ketýi múmkin ekeni aıtylyp kelgen edi.
