Antonıý Gýterrısh BUU-nyń Almatydaǵy UN Plaza ǵımaratynda boldy
ALMATY. KAZINFORM — BUU Bas hatshysy Antonıý Gýterrısh Qazaqstanǵa sapary barysynda Almatydaǵy BUU-nyń UN Plaza ǵımaratyn aralyp shyqty. BUU-nyń Almatydaǵy ǵımaratynda Qazaqstandaǵy BUU Turaqty úılestirýshisi Mıkaela Frıberg-Storımen, sondaı-aq Qazaqstan Respýblıkasynda akkredıttelgen BUU agenttikteri ókildikteriniń basshylarymen kezdesýi ótti.
Kezdesýge qazaqstandyq taraptan QR Syrtqy ister mınıstriniń birinshi orynbasary Aqan Rahmetýllın men QR Nıý-Iorktegi BUU janyndaǵy Turaqty ókili Qaırat Omarov qatysty.
A. Gýterrısh óz sózinde Qazaqstannyń beıbitshilik pen qaýipsizdikti nyǵaıtý, Ornyqty damý maqsattaryna qol jetkizý jáne adam quqyǵyn qamtamasyz etý máselelerin ilgeriletýdegi kúsh-jigerin joǵary baǵalady jáne halyqaralyq alańda QR usynǵan bastamalar týraly oń pikir bildirdi.
A. Rahmetýllın qazirgi zamannyń eń ózekti máselelerin sheshýde BUU-nyń aıryqsha róline toqtalyp, búkil kezeńinde bizdiń elimiz ben jahandyq uıym arasyndaǵy barlyq salalardaǵy ózara is-qımyldyń joǵary deńgeıin atap ótti.
Kezdesý barysynda Almatyda BUU-nyń Ortalyq Azııa men Aýǵanstan úshin Ornyqty damý jónindegi óńirlik ortalyǵyn qurý jaıly Qazaqstannyń bastamasynyń mańyzdylyǵyna erekshe nazar aýdaryldy.
Buǵan qosa, Ortalyq Azııadaǵy klımattyń ózgerýine baılanysty muzdyqtardyń erýi máselesiniń erekshe ózektiligin eskere otyryp, A. Gýterrıshke ıÝNESKO-nyń Ortalyq Azııa óńirlik glıatsıologııalyq ortalyǵynyń qyzmeti týraly aqparat usynyldy.
Sonymen qatar, UN Plaza ǵımaratynda ornalasqan BUU agenttikteriniń ókilderi óńirlik mandaty bar uıym qurylymdarynyń aǵymdaǵy qyzmeti, olardyń basymdyqtary jáne eldik jáne óńirlik deńgeıde turaqty damýdy qamtamasyz etý maqsatynda QR Úkimetimen ózara is-qımyl týraly habardar etti.
Іs-shara sońynda kezdesýge qatysýshylar UN Plaza ǵımaratynda ornalasqan UN and me kórmesimen tanysty.
Eske sala keteıik, BUU Bas hatshysy Antonıý Gýterrısh Almatyǵa búgin tańerteń ushyp keldi. 4 shildede ol Astanadaǵy Shanhaı Yntymaqtastyq Uıymynyń sammıtine qatysady. BUU Bas hatshysy Astana sammıtine oraı Kazinform tilshisiniń birqatar suraǵyna jaýap berdi.
Aıta ketsek, UN Plaza (BUU Plaza) ǵımaratynyń resmı ınaýgýratsııasy 2019 jyldyń mamyr aıynda QR Prezıdenti Qasym-Jomart Toqaevtyń qatysýymen ótti. Búgingi tańda Almaty qalasyndaǵy BUU ǵımaratynda shtat sany 120 adamnan asatyn 18 agenttik ornalasqan.
