Antıterrorıstik toptardyń ornalasqan orny anyqtaldy
ASTANA. 21 qazan. QazAqparat - Astanada antıterrorıstik toptardyń meken-jaılary bekitildi. Endi lańkestik aktiler oryn alǵan jaǵdaıda qala turǵyndary tegin zań kómegin ala alady. Bul týraly elordalyq Ádilet departamentine silteme jasap astana.kz habarlady.
«Qazaqstan Respýblıkasy Prezıdentiniń 2013 jylǵy 24 maýsymdaǵy № 589 «Terrorızmge qarsy komıssııalar boıynsha úlgilik erejeni bekitý týraly» Jarlyǵyn oryndaý maqsatynda Astana qalasy Ádilet departamentimen terrorızm aktisiniń saldarynan zardap shekken jeke jáne zańdy tulǵalarǵa jáne onyń jolyn kesýge qatysqan adamdarǵa qajetti tegin quqyqtyq kómek kórsetýdi uıymdastyrý toptary quryldy. Onyń quramyna Notarıaldyq palatanyń, Baǵalaýshylar palatasynyń, Advokattyq alqa ókilderi, sonymen qatar, Astana qalasy Ádilet departamentiniń qyzmetkerleri kiredi»,- delingen vedomstvo habarlamasynda.
