Antırekord: Reseıde bir táýlikte 1 075 adam koronavırýstan kóz jumdy

MÁSKEÝ. TASS-QazAqparat – Reseıde besinshi kún qatarynan koronavırýstan qaıtys bolǵandar sany boıynsha rekord jańaryp otyr – ótken táýlikte vırýstan 1 075 adam kóz jumdy. Bir kún buryn bul kórsetkish 1 064 bolǵan. Atalǵan derekterdi Jańa vırýspen kúres jónindegi federaldy jedel shtab jarııalady, dep habarlaıdy QazAqparat TASS agenttigine silteme jasap.

Shtab derekterine saı, pandemııanyń basynan beri vırýstan barlyǵy 229 528 adam kóz jumǵan. Shartty ólim úlesi (naqty úlesi epıdemııa aıaqtalǵannan keıin belgili bolady) – 2,8%.

Atap aıtqanda, bir táýlikte Máskeýde 82, Sankt-Peterbýrgte 67, Krasnodar ólkesi men Nıjegorod oblysynda 42-den, Bashqurtstanda 35, Rostov, Sverdlov oblystary men Stavropol ólkesinde 34 adamnan qaıtys boldy.

Jańa jaǵdaılar sany bir táýliktiń ishinde 37 678-ge ósip, 8 205 923-ke jetti. Bul da pandemııanyń basynan bergi eń joǵary kórsetkish.

Osylaısha, eldegi juqtyrǵandar sany boıynsha rekord qatarynan úsh ret jańaryp otyr. Juqtyrǵandar úlesi 0,46%-ǵa artty.

Atap aıtqanda, bir táýliktiń ishinde Máskeý oblysynda 2 783, Samara oblysynda 997, Nıjegorod oblysynda 761, Voronej oblysynda 729, Bashqurtstan Respýblıkasynda 667 jaǵdaı tirkeldi.

Shtab derekterine saı, belsendi jaǵdaılar sany 833 318-ge ósken.

Al jazylyp shyqqandar sany bir táýliktiń ishinde 26 077-ge ósip, 7 143 137-ge jetti. Jazylyp shyqqan naýqastar úlesi 87%-ǵa deıin tómendegen.

Atap aıtqanda, Máskeýde aýrýdy jeńgender sany 3 986, Sankt-Peterbýrgte 2 887, Máskeý oblysynda 2 333, Qyrymda 823, Samara oblysynda 752, Bashqurtstan men Ýlıanov oblysynda 649 pen 630-ǵa kóbeıgen.

Máskeýdiń ózine keler bolsaq, onda koronavırýs juqtyrǵandar sany bir táýliktiń ishinde 7 803-ke ósip, 1 761 650-ge jetken. Bir kún buryn bul kórsetkish 8 166 bolǵan. Juqtyrǵandar úlesi – 0,45%.

Al qaıtys bolǵandar sany bir táýlikte 82-ge ósti, kún buryn bul kórsetkish 79 bolǵan. Barlyǵy qalada 30 619 adam (juqtyrǵandardyń 1,74%-y) qaıtys bolǵan, delingen shtab derekterinde.

Jazylyp shyqqandar sany Máskeýde bir táýlikte 3 986-ǵa ósip, 1 556 721-ge jetken. Shtabtyń habarlaýynsha, qazirgi kezde el astanasynda 174 310 adam em alyp jatyr.