Antırekord: Grekııada bir táýlikte 7 335 adamnan koronavırýs anyqtaldy

NUR-SULTAN. QazAqparat - Grekııada koronavırýsty juqtyrýdan antırekord ornatyldy, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

«Bir táýlikte 7 335 adamnan vırýs anyqtalǵan. Bul pandemııa bastalǵannan bergi eń joǵarǵy kórsetkish, - dep habarlaıdy Ulttyq densaýlyq saqtaý uıymy.

Koronavırýs ınfektsııasynyń rastalǵan faktileriniń ósýi osy aıdyń basynan baıqala bastady. 1 qarashada 5 424 jaǵdaı anyqtaldy, al bir kún buryn 2 722 derek esepke alyndy. Budan keıin kúnine 6,8 myń ınfektsııaǵa deıin tirkele bastady. Al jaqyn aradaǵy 7 saǵat ishinde 24 myńnan astam naýqas ınfektsııa juqtyrdy.

Belgili ǵalym vaktsınatsııalanǵan adamdardyń eń úlken qateligin atady. DDU sarapshysy, professor Santıago Mas-Koma álemde COVID-19 taralý qarqynynyń ósýi vaktsınatsııa alǵan azamattar jaýapkershiliginiń álsireýimen baılanysty dep málimdedi.

Vaktsınatsııalanǵandar sanıtarlyq qaýipsizdik talaptaryn saqtamaıdy, betperde kımeıdi. Degenmen, qys mezgilinde adamdardyń kópshiligi jabyq úı-jaılarda bolatynyna baılanysty aýrýdyń taraý qarqyny údeýi múmkin.

«Eger adamdar bul pandemııa aıaqtalmaǵanyn jáne ınfektsııany boldyrmaý úshin jeke saqtyq sharalaryn saqtaý qajet ekenin túsinbese, vırýs juqtyrýshylar sany arta beredi», - dep eskertti Mas-Koma.