Antıplagıat: Ǵalymdardyń ǵylymı jumysy sheteldik baza boıynsha tekseriletin bolady

NUR-SULTAN. QazAqparat – Bilim jáne ǵylym mınıstrligi bul rette tıisti erejege qosymsha ózgerister engizgeli jatyr, dep habarlaıdy QazAqparat tilshisi.

«Búgingi tańda biz dıssertatsııa qorǵaǵan kezde ǵylymı materıal tek qazaqstandyq baza boıynsha antıplagıattan (ıaǵnı, qazaqstandyq ǵalymdar qorǵaǵan jumystar boıynsha) ótedi. Sondyqtan, ǵylymı jumystar tek qazaqstandyq baza boıynsha ǵana emes, sheteldik málimetter bazasy boıynsha tekseriletindeı tıisti erejelerge qosymsha ózgerister engiziledi. Meniń oıymsha, bul da bizdiń ǵylymnyń sapasyn arttyrýǵa septigin tıgizedi», - dedi Bilim jáne ǵylym mınıstri Ashat Aımaǵambetov.

Eske sala ketsek, buǵan deıin Almatyda ótken tamyz jıyny barysynda QR Bilim jáne ǵylym vıtse-mınıstri Ashat Aımaǵambetov bilim salasyndaǵy plagıatpen kúres qalaı júrgiziletinin aıtqan bolatyn.