Antımonopolııalyq zańnamany buzǵany úshin «Kazkommertsbank» AQ-ǵa 2,5 mln. teńge aıyppul salyndy
ASTANA. 26 qyrkúıek. QazAqparat - Qazaqstannyń básekelestikti qorǵaý agenttigi «Kazkommertsbank» AQ-dan antımonopolııalyq zańnamany buzǵany úshin 2,5 mln. teńge aıyppul tóletý týraly buıryq shyǵardy, dep habarlady vedomstvonyń baspasóz qyzmetinen.
Anıtmonopolııalyq agenttiktegilerdiń atap ótýinshe, zańbuzýshylyqtar «ARM-D» JShS aryzy boıynsha ótkizilgen tekseris barysynda anyqtalǵan. «ARM-D» JShS aryzy boıynsha «Kazkommertsbank» AQ nesıe kelisimsharttarynyń №2 qosymshasynda qaryz alýshyǵa barlyq kassalyq esep aıyrysý operatsııalaryn tek qana bank arqyly júzege asyrý kerektigin mindettegen. Bankke qaryzy jaıly nesıe alýshynyń barlyq kassalyq esep operatsııalaryn aýystyrý sharttary qaryzgerdiń basqa bankterde bank esebin ashý quqyǵyn shekteıdi, al onda tutynýshy úshin tıimdi qyzmet kórsetý sharttary jasalýy múmkin», - dep jazylǵan habarlamada.
Sonyń ishinde, qosymsha talaptardy oryndatý arqyly nesıe berý, sonymen qatar, klıenttiń kelisilgen kelisimsharttardan bas tartýyna májbúrleýge QR antımonopolııalyq zańnamasynda tyıym salynǵan.
